影片
更多
2022-10-10
282 浏览
近来天气终于凉返啲，所以去咗跑马地散步🌤。呢个社区静中带旺，自成一角，有唔少老字号商舖同特色餐厅。我哋夜晚就帮衬咗位于内街转角位嘅「Coffeelin」。餐厅环境别具风味，有室外座位，可以带埋宠物一齐到访。店内满有复古气息，暗色系配上工业风嘅装潢，再加特高楼底，打卡一流📸。呢度日头喺Cafe，夜晚就系酒吧餐厅，所以只卖酒水🥂、不卖咖啡。除咗轻食之外，佢亦提供意粉等比较饱肚嘅食物，晚餐食就啱晒。Antipasti($98)，首先嚟一个前菜拼盘，开开胃🤤。拼盘内容丰富，包括油浸橄榄、芝士酿蕃茄仔、意大利风干火腿同埋脆面包薄片。全部食物都好惹味，但又唔会过咸。🥓薄切火腿带油脂香，食落喺口中溶化。Truffle Mushroom Gnocchi($128)，香港虽然多咗好多餐厅有卖薯仔粉团Gnocchi🥔，但口味大不同。我认为呢度嘅几出色，因为每粒外层都煎脆咗，薯仔比例较多，唔系得嚿面粉，富层次感。搭伴嘅杂菇再配埋蒜香松露汁，令菜式充满菇香🍄。Duck Ragu Paccheri($128)，呢碟Pasta较Gnocchi浓味，感觉有少少似肉酱意粉🍝，不过肉碎就换成为鸭肉丝，肉味几香，份量都几
近来天气终于凉返啲，所以去咗跑马地散步🌤。呢个社区静中带旺，自成一角，有唔少老字号商舖同特色餐厅。我哋夜晚就帮衬咗位于内街转角位嘅「Coffeelin」。
餐厅环境别具风味，有室外座位，可以带埋宠物一齐到访。店内满有复古气息，暗色系配上工业风嘅装潢，再加特高楼底，打卡一流📸。
呢度日头喺Cafe，夜晚就系酒吧餐厅，所以只卖酒水🥂、不卖咖啡。除咗轻食之外，佢亦提供意粉等比较饱肚嘅食物，晚餐食就啱晒。
Antipasti
$98
6 浏览
0 赞好
0 留言
Truffle Mushroom Gnocchi
$128
12 浏览
0 赞好
0 留言
Truffle Mushroom Gnocchi($128)，香港虽然多咗好多餐厅有卖薯仔粉团Gnocchi🥔，但口味大不同。我认为呢度嘅几出色，因为每粒外层都煎脆咗，薯仔比例较多，唔系得嚿面粉，富层次感。搭伴嘅杂菇再配埋蒜香松露汁，令菜式充满菇香🍄。
Duck Ragu Paccheri
$128
7 浏览
0 赞好
0 留言
Duck Ragu Paccheri($128)，呢碟Pasta较Gnocchi浓味，感觉有少少似肉酱意粉🍝，不过肉碎就换成为鸭肉丝，肉味几香，份量都几多。Paccheri系巨型长通粉，中间空窿嘅位置挂汁一流，口感弹牙。酱汁以红酒汁做底🍷，再加入蕃茄等食材，食落仲带微微辣。
HV Tiramisu($68)，作为提拉米苏达人嘅我当然要嗌嚟试吓🤣，佢嘅形状几经典，不过颜色就与别不同。因为上层占咗一半系白色嘅马斯卡邦芝士；而下层就系浸泡咗咖啡酒嘅手指饼☕️，味道都算正宗。但伴旁嘅蓝莓酱对我而言，就有啲格格不入。
The Hugo($78)，餐厅提供多款传统Cocktail🍹，价钱唔贵，好适合同朋友饮返杯。我点嘅呢款由意大利气泡酒、接骨木花酒、薄荷同梳打水沟成，味道好夹，酒味恰到好处，感觉清新🌿。
总括嚟讲，如果去开跑马地嘅话，不妨可以考虑到访Coffeelin，喺度食嘢饮嘢，通通都得。放假远离烦嚣，嚟Chill一下吧😃！
张贴
