陪著你走甜品 (已結業)

有次经过天后，记得糖水店无开门，我仲心谂：哗，香港开铺夜市都唔做，有种呀！今晚轻过，见佢开左门，帮衬一下食碗糖水。朋友就comment 一句，乜宜家有人会改呢d名嘅咩，陪著你走？ 又系嘅，宜家一系就玩食字、唔系就西系日系台系，呢个名又系本土d 嘅。再细看贴在墙上的传媒报导，原来店主两夫妇经历一场大病，明白要珍惜大家的相处时间，所以就开了陪著你走甜品店。因为老板娘钟意食芋圆，所以老板都自家制芋圆，咁就真系要试一试佢姜汁蕃薯芋圆汤圆，姜够辣，汤圆都芋圆都唔系好甜，入喉舒服。朋友就点了焦糖炖蛋，试了一啖，面皮好脆，足料。整体好味，不过款式选择不太多，如果你唔食芋圆汤圆炖蛋，剩下的选择都不多。