阿來泰式地道風味

营业中

休息中

话说今日同老公去先达买电话配件， 买完都七点几，见到对面呢一间泰国餐厅好多人排队 ，个名仲要叫得自己地道泰国餐厅， 大厨应该对自己未到好有信心 ，就跟队排埋一份。 好彩我哋得两个人，所以都系排咗三个字左右就已经可以入去，睇餐牌见价钱唔算好平，但胜在免加一，好抵。有二人套餐 239至299, 但唔系咁啱食所以决定散叫 ，叫咗炸虾饼，飞天通菜 ，炸软壳蟹咖哩， 香叶辣肉碎蛋炒饭， 另加椰青，都系350左右。炸虾饼有三大嚿对半，6块，都几大块，几好食，但如果在厚身一点会更合我口味。炸软壳蟹咖哩， 咖哩带椰汁味，不太辣， 咖哩 汁唔会太杰身， 亦不会过份水状。本想另加蒜蓉包，但由于已叫了炒饭就打消念头。飞天通菜有鱼露红辣椒等，够镬气好味道炒饭系呢几日入面价钱最平，但我这个人觉得最好味嘅 ,米饭炒到均匀，粒粒可见，加上大粒红椒，唔好的人可自己挑出，味道唔会过咸或过辣，满足大众口味。免加一，套餐抵食，可大伙儿来。