影片
更多
2023-08-30
299 浏览
平时都系妈咪跟我去食我食过认为好味嘅餐厅，估唔到有朝一日竟然会掉番转。🤷🏻♀️🤷🏻♀️上星期佢同某auntie食过呢间酒楼之后，就话揾日同我食，咁啱今日攞咗假陪老豆去拎回乡卡，我就话不如拎完卡搭车过嚟食啦，反正都咁近。通常主打做婚宴嘅酒楼都唔会太难食，呢间都唔例外，食物中规中矩，味道ok但未至于有惊喜，不过点心款式选择算多，有怀旧系列亦有新派造型系列。当中最得我欢心嘅系竟然有鹌鹑蛋烧卖，而且味道唔错。妈咪极力推荐呢个春风得意肠，入面包咗酿咗虾胶同粟米嘅油炸鬼，口感丰富，而且油炸鬼唔会太腍，仲保持到少少脆度，但搭配嘅豉油太咸。呢个点心拼盘每款各有2件，啱晒2个细食嘅女仔嗌嚟Share，不过妈咪同老豆都话个黄金糕好硬好难食，我冇食唔知，但个烧卖同菜苗饺系正常嘅，不过个潮州粉果一夹就散，个皮嘅澄面同水嘅比例应该出咗问题……🤔🤔星洲炒米系下午茶时段供应嘅，呢个分量卖58蚊好抵食，而且炒得好干身，唔会太油，味道贴近茶记口味，配料有叉烧、虾仁、韭黄、鸡蛋、洋葱等，算几足料。最差系呢个五香牛杂，除咗牛肠炆得算入味，其余牛肚、牛肺都超韧，仲要下面垫劲多萝卜，有渣又唔入味，失败！因为呢间酒楼系婚宴集团旗
上星期佢同某auntie食过呢间酒楼之后，就话揾日同我食，咁啱今日攞咗假陪老豆去拎回乡卡，我就话不如拎完卡搭车过嚟食啦，反正都咁近。
通常主打做婚宴嘅酒楼都唔会太难食，呢间都唔例外，食物中规中矩，味道ok但未至于有惊喜，不过点心款式选择算多，有怀旧系列亦有新派造型系列。当中最得我欢心嘅系竟然有鹌鹑蛋烧卖，而且味道唔错。
鹌鹑蛋烧卖
8 浏览
0 赞好
0 留言
妈咪极力推荐呢个春风得意肠，入面包咗酿咗虾胶同粟米嘅油炸鬼，口感丰富，而且油炸鬼唔会太腍，仲保持到少少脆度，但搭配嘅豉油太咸。
春风得意肠
5 浏览
0 赞好
0 留言
呢个点心拼盘每款各有2件，啱晒2个细食嘅女仔嗌嚟Share，不过妈咪同老豆都话个黄金糕好硬好难食，我冇食唔知，但个烧卖同菜苗饺系正常嘅，不过个潮州粉果一夹就散，个皮嘅澄面同水嘅比例应该出咗问题……🤔🤔
点心拼盘
$50
2 浏览
0 赞好
0 留言
星洲炒米系下午茶时段供应嘅，呢个分量卖58蚊好抵食，而且炒得好干身，唔会太油，味道贴近茶记口味，配料有叉烧、虾仁、韭黄、鸡蛋、洋葱等，算几足料。
星洲炒米
$58
4 浏览
0 赞好
0 留言
最差系呢个五香牛杂，除咗牛肠炆得算入味，其余牛肚、牛肺都超韧，仲要下面垫劲多萝卜，有渣又唔入味，失败！
五香牛杂
$80
10 浏览
0 赞好
0 留言
因为呢间酒楼系婚宴集团旗下，所以场内主打无柱式设计，够晒开扬，室外仲有一个小场地可以做户外证婚。
张贴
