川味王

营业中

休息中

今日收工冇乜胃口，谂住食少少嘢诉说下返工嘅辛苦。拣咗呢间几有日式居酒屋感觉嘅川味串烧，呢种充满特色嘅Crossover完全反映到内心对工作嘅复杂心情。上次试过烧四季豆之后简直系上瘾，今日当然唔少得啦，佢个四季豆烧得几爽口，系唔错嘅。另外仲叫咗个火箭鱿鱼筒，呢度系原只烧完只上，保证真材实料。佢烧到啱啱好唔会变咗鱿鱼干，个味道就算靠佢烧嘅时候落嘅辣粉同埋孜然粉，所以唔会过咗鱿鱼本身嘅味道。另外我哋叫咗个羊肉串，个羊肉串都唔错，啲羊肉唔会太酥，而呢一个佢都唔会太肥，啱啱好。食串烧点少得鸡肾，佢呢个唔系出边食到大大嚿𠮶种。但系都唔会好柴好干，加埋佢呢个调味系沙嗲，都几夹味。另外仲有一个鸡全翼，呢个鸡全翼简直系今晚嘅MVP。因为个外皮真系烧到脆卜卜，但系入边嘅肉都仲系好多汁嘅。另外叫咗个烧韭菜，佢呢个韭菜都唔错，唔会太干/太熟，个韭菜味都好出。最后都系用咗烧菠萝嚟做结尾，不过可能而家嘅菠萝唔系太当造。但系烧嘅时候佢哋加咗蜜糖弥补咗呢个缺失。