億饍 (已結業)

当天临时临急上Openrice睇系MK食咩，见到呢间评价好似唔错，所以就Book位去食!去到见到舖面原来比想像中细，而又见到差唔多Full哂，以为要等，点知侍应带左我地出去另一边，心谂咁热仲要坐出去死梗，好在都有少少冷气，不过真系少少，成餐饭都仲系不断出汗。睇餐牌又真系好似几多野拣，最后拣左几样食!先黎既系菠萝炒饭，都还可以，几热既~~炒金边粉，味道一般，无想像中咁大碟!生虾刺身，不过不失越式春卷同虾饼，春卷我就觉得淡左少少，如果有酱点可能会好D，虾饼都系普普通通!榄菜肉松四季豆，第一啖味道还好，再食就觉得偏咸，要连埋饭一齐食会比较好!最后就系明炉乌头鱼...等左好耐先有...佢个汤都几酸几好饮，D鱼都系好似平时系出面食果D咁啦，冇咩分别...埋单都九百几...都唔平...