香港海賊王餐廳 (已結業)

跟路飞一起晚餐海贼王餐厅大小姐生日，谂左好耐同佢去边度食饭。又要有啲公仔人物，但系又唔想来来去去食果几间餐厅。所以，今日试吓一啲大人钟意嘅卡通人物—海贼王 one piece 。经OpenRice订枱，餐厅帮我预留左最近公仔嘅位置，两个女都好开心。佢哋虽然唔知呢啲系咩公仔，总之有公仔陪就开心啦😂食物方面，我叫左星星薯饼：小朋友一定钟意，热辣辣，细细粒，好香口，加埋个芝士酱，好好食。正义牛扒三文治：份量好足够，配埋薯条，大大份，仲可以拣牛扒几多成熟，小朋友梗系食熟啲啦，我叫八成熟，但系都唔会好硬，个包仲要烘过，小小脆。蒜香大蚬意粉：啲蚬好大粒，而且都多，蒜香味浓，反而意粉好似唔多够。草帽日式咖喱饭：个汁都有啲辣，小朋友未必啱，只可以食饭，不过个汁几好食，仲有几粒牛柳粒。索柏帽子蛋糕：好靓嘅粉红色蛋糕，餐厅哥哥仲帮我点蜡烛，十分细心。不过餐厅真系多人，建议真系要book左枱先。用餐时间有限，不过1小时30分钟正常系足够嘅。