影片
更多
2021-01-16
149 浏览
星期五去海港城行街，行到好攰嘅时候，谂唔到食咩晚餐好，然后咁啱听到隔离有个人好大声话：「楼上开咗谭仔，不如食谭仔啰。」然后我同朋友就跟住佢个步伐嚟到呢间新开嘅谭仔米线😎。呢间新嘅谭仔，个场好大，装修亦都好有港式风格，几啱打卡。睇完餐牌之后我哋叫咗香茜皮蛋鱼汤米线配脆肉鲩（海港城店限定）同泡椒酸菜鱼汤米线配脆肉鲩（全线），另外仲叫咗麻辣猪耳、川北豆腐、土匪鸡翼等等。 香茜皮蛋鱼汤米线配脆肉鲩：呢款得海港城先有嘅米线真系超好食，最正系佢啲皮蛋，一碗里面几乎原粒皮蛋，份量好多，而且上面仲有冰花纹，靓野黎，食落去皮蛋味好重。整体感觉有少少似食一人打边炉咁，好得意。泡椒酸菜鱼汤米线配脆肉鲩（全线）：呢款全新嘅口味一样都系令人停唔到口，酸菜酸酸辣辣，又唔会太咸，脆肉鲩好脆口，泡椒味辣得好惹味，正。由于越食越辣嘅关系，我哋叫咗两杯饮品，一杯系菠萝冰特饮，另外一杯系豆花黑糖姜母茶，前者系地地道道嘅朴实港式风味，饮完有种令人怀念儿时嘅感觉。后者则好特别，出面好多黑糖饮品都系热嘅，但系呢度嘅黑糖饮品就系冻嘅，而且加埋豆花，香香甜甜，又有啲嘢咬下，多咗啲口感，成件事非常之夹，有创意。
然后我同朋友就跟住佢个步伐嚟到呢间新开嘅谭仔米线😎。
呢间新嘅谭仔，个场好大，装修亦都好有港式风格，几啱打卡。睇完餐牌之后我哋叫咗香茜皮蛋鱼汤米线配脆肉鲩（海港城店限定）同
泡椒酸菜鱼汤米线配脆肉鲩（全线），另外仲叫咗麻辣猪耳、川北豆腐、土匪鸡翼等等。
香茜皮蛋鱼汤米线配脆肉鲩：
呢款得海港城先有嘅米线真系超好食，最正系佢啲皮蛋，一碗里面几乎原粒皮蛋，份量好多，而且上面仲有冰花纹，靓野黎，食落去皮蛋味好重。整体感觉有少少似食一人打边炉咁，好得意。
泡椒酸菜鱼汤米线配脆肉鲩（全线）：
呢款全新嘅口味一样都系令人停唔到口，酸菜酸酸辣辣，又唔会太咸，脆肉鲩好脆口，泡椒味辣得好惹味，正。
由于越食越辣嘅关系，我哋叫咗两杯饮品，一杯系菠萝冰特饮，
另外一杯系豆花黑糖姜母茶，
前者系地地道道嘅朴实港式风味，饮完有种令人怀念儿时嘅感觉。
后者则好特别，出面好多黑糖饮品都系热嘅，但系呢度嘅黑糖饮品就系冻嘅，而且加埋豆花，香香甜甜，又有啲嘢咬下，多咗啲口感，成件事非常之夹，有创意。
张贴
