寶城美食店

营业中

休息中

同事见报纸介绍呢度嘅炸肶，又近公司，咁啱公司又有小工程唔方便喺公司食晏，咁就专诚嚟一试啦。去到餐厅好多人喺门口以为排紧队，原来佢哋等紧外卖，餐厅系半自助形式，要去收银度比钱买食物，然后有个号码牌比你，你就自己揾好位坐低等，食物整好会有人跟号码送上台 😜 因为睇紧中医戒紧口唔食得炸嘢，所以我好乖咁叫咗个腊肠排骨荷叶饭，荷叶无香味落到嚟饭度，所以其实系咪用荷叶包都无所谓 🤣🤣🤣 另外加咗啲烚椰菜可以加分。生炸鸡肶个黑椒汁比较深色好稀，同事话唔辣，另外切咗小小鸡肶我试，都算香口。奶茶同冻柠茶都无乜特别，又唔算好出色。返到公司大家都觉得成身油烟味，如果有下次，都系外卖好啲！