Green Waffle Diner (形點) (已結業)

同客食lunch, 因为客唔系好饿，所以决定同佢嚟食呢间GreenWaffle，一嚟坐得舒适，二嚟lunch包埋窝夫，加杯饮品都够两个女性食😆即时抵晒Lunch set 价钱由$68-88不等，系Yoho mall 嚟处呢个价都算亲民，重送埋窝夫呢下真系抵嘅👍今日汤系甘笋汤几好味，食得出忌廉同甘荀甜味，不过姜好似多咗少少。我叫咗肉眼扒煎蛋三文治伴蕃薯条，上枱卖相好靓，蕃薯条炸出嚟嘅颜色亦非常吸引❤️包皮煎过好香口，净食个包都好味，牛扒ok；蕃薯条炸得岩岩好，香脆可口😋，唯一问题系，呢个汉堡包摆法食起上嚟好困难，蛋汁流到一枱都系，分返开切嚟食比较好。窝夫 估唔到有咁大件，粉浆调配得好好，甜味同脆度都好适中，作为午餐附送之甜品，够晒诚意客人点嘅系High Flyer（芒果，红莓汁加云尼拿雪糕），几好饮，酸甜度适中，都几大杯，饮得出系真果汁，唔系化学调味料。