珍一料理 (富榮大廈) (已結業)

相信大家都知道荃湾嘅路德围真系有好多唔同嘅小食👍🏻至于我自己亦都以前细个嘅时候成日都喺荃湾食嘢，不过自从搬咗出去住之后都好少会喺荃湾啦！今日难得返去同屋企人食饭，喺食饭之前就梗系要去路德围扫下街😎去返以前细个嘅风味啦！见到一间好新开嘅餐厅叫做珍一料理❤️❤️就咁一见到就已经好期待！呢间餐厅嘅款式好多，而且全部都感觉上好干净！同埋摆切得好整齐，所以我哋都可以好清晰咁拣到自己想食嘅嘢！今次我就拣咗一份自己冇食过嘅香麻牛蹄筯！呢个真系好特别，食落去嘅时候口感好有啫喱嘅感觉，但系又有充满牛肉嘅香味！而且重点嘅系加埋呢度嘅特色川辣嘅味道！令到食落去成个口感同埋味道都好丰富！个人来讲自己都几喜欢，值得推介👍🏻