影片
更多
2022-09-11
114 浏览
今日带朋友去食我最钟意食嘅日本嘢，个环境都几靓佢教落食日本嘢一定要食萤光鱿鱼🦑，所以我哋就叫咗一份，萤光鱿鱼冲渍 $38，呢个价钱都唔贵，原来真系好好食😋唐扬鸡软骨粒 $50好耐冇食过以前成日食日本菜都要叫，一定要多沙律酱咩都想食心大心细就叫咗两个定食，乜都有啲而且价钱好合理～晚市定食全部都有85折，路德围我又有新饭堂啦😍全部定食都系有沙律，前菜，小食，面豉汤，绝对唔求其。海胆五色丼定食 HK$292呢个入面有帆立贝，海胆，拖罗，葱吞拿鱼，牡丹虾，嚟到嘅时候哗咗一声，因为我估唔到刺身咁靓，新鲜又大片。最过分嘅系呢个定食我竟然唔识分沙律前菜同小食，因为一啲都唔似平民嘅寿司店，佢系食三文鱼籽冻豆腐，玉子烧，唐扬炸鸡。平时咁嘅质素就咁一个饭都已经要呢个价钱，仲包埋咁高级又多份量嘅嘢食，两个女仔食一份已经好够饱，真系劲抵食鹅肝安格斯牛肉丼定食 $158系人都知我除咗拖罗爱好者，其实仲系鹅肝爱好者。俾个藉口自己要食一冷一热🤭牛肉唔会好韧，而且调味几香，配埋饭食一流，钟意食牛丼嘅人可以试呢个，而且价钱好合理，佢嘅定食更有惊喜嘅系竟然配咗三文鱼刺身，烟三文鱼沙律菜同埋饺子，所以佢个价钱系绝对合理，份
佢教落食日本嘢一定要食萤光鱿鱼🦑，所以我哋就叫咗一份，萤光鱿鱼冲渍 $38，呢个价钱都唔贵，原来真系好好食😋
唐扬鸡软骨粒 $50
好耐冇食过以前成日食日本菜都要叫，一定要多沙律酱
咩都想食心大心细就叫咗两个定食，乜都有啲而且价钱好合理～晚市定食全部都有85折，路德围我又有新饭堂啦😍
全部定食都系有沙律，前菜，小食，面豉汤，绝对唔求其。
海胆五色丼定食 HK$292
呢个入面有帆立贝，海胆，拖罗，葱吞拿鱼，牡丹虾，嚟到嘅时候哗咗一声，因为我估唔到刺身咁靓，新鲜又大片。
最过分嘅系呢个定食我竟然唔识分沙律前菜同小食，因为一啲都唔似平民嘅寿司店，佢系食三文鱼籽冻豆腐，玉子烧，唐扬炸鸡。平时咁嘅质素就咁一个饭都已经要呢个价钱，仲包埋咁高级又多份量嘅嘢食，两个女仔食一份已经好够饱，真系劲抵食
鹅肝安格斯牛肉丼定食 $158
系人都知我除咗拖罗爱好者，其实仲系鹅肝爱好者。俾个藉口自己要食一冷一热🤭
牛肉唔会好韧，而且调味几香，配埋饭食一流，钟意食牛丼嘅人可以试呢个，而且价钱好合理，佢嘅定食更有惊喜嘅系竟然配咗三文鱼刺身，烟三文鱼沙律菜同埋饺子，所以佢个价钱系绝对合理，份量又多
定食仲可以加$12要一个嘅蒸蛋，佢嘅蒸蛋都几香，但系我哋两个人食到好饱，饱到差啲要猜咗佢黎食😂
但系俾我见到甜品，而且唔系好普通𠮶啲泡芙，布甸，我忍唔住就叫咗！！！！
抹茶蕨饼$30
我超钟意食蕨饼，佢又系价钱唔贵，开头冇谂过佢咁多件，真系出乎我意料
水信玄饼 $28
卖相好靓，而且好动L，俾我玩咗佢好耐，真系睇得又食得😍
张贴
