影片
更多
2020-12-04
1337 浏览
上星期去旺角 T.O.P 选购圣诞礼物，发现原来地库个美食广场「FoodYum」已经开咗幕。场内进驻了不少新食肆，可惜当天已吃了午饭，趁今日嚟开附近做嘢，专登过嚟帮衬下。个 Food Court 布置得好有特色，色彩缤纷，以港式 Style 为主题，场内挂满霓虹灯，加上不同 hashtag，装修既新潮又有创意。 行咗一圈，入面有 5 间小食店同 1 间火锅店，有齐中、日、韩及港式餐厅，间间都好吸引，最后拣咗这间来自美国南部路易斯安那州的「大力水手炸鸡」。店舖虽然主打炸鸡，但其实餐牌上都有唔少选择，好似爆谷虾、蘑菇饭、炸鸡汉堡、牛油松饼、洋葱圈、趣辣薯蓉等。点咗炸鸡、薯条、辣鸡翼、炸鸡柳、爆谷虾、炸鸡汉堡同汽水，睇下几丰富。趁热先食薯条 Cajun Fries，薯条应该系啱啱炸起，拿上手时仍热辣辣，入口脆卜卜，虽然唔系粗身版本，但食落微微 Spicy，充满胡椒香，惹味非常。Chicken Tender 大力水手炸鸡柳，平时比较少食炸鸡柳，总系觉得肉质比较嚡，但呢度嘅炸鸡柳质素都唔错，外层粉浆够薄，鸡肉味道亦够香，入口啖啖肉。旁边的 Cajun Wings 奇脆辣鸡翼，食味亦不俗，两只鸡
上星期去旺角 T.O.P 选购圣诞礼物，发现原来地库个美食广场「FoodYum」已经开咗幕。场内进驻了不少新食肆，可惜当天已吃了午饭，趁今日嚟开附近做嘢，专登过嚟帮衬下。
个 Food Court 布置得好有特色，色彩缤纷，以港式 Style 为主题，场内挂满霓虹灯，加上不同 hashtag，装修既新潮又有创意。 
行咗一圈，入面有 5 间小食店同 1 间火锅店，有齐中、日、韩及港式餐厅，间间都好吸引，最后拣咗这间来自美国南部路易斯安那州的「大力水手炸鸡」。
店舖虽然主打炸鸡，但其实餐牌上都有唔少选择，好似爆谷虾、蘑菇饭、炸鸡汉堡、牛油松饼、洋葱圈、趣辣薯蓉等。
点咗炸鸡、薯条、辣鸡翼、炸鸡柳、爆谷虾、炸鸡汉堡同汽水，睇下几丰富。
趁热先食薯条 Cajun Fries，薯条应该系啱啱炸起，拿上手时仍热辣辣，入口脆卜卜，虽然唔系粗身版本，但食落微微 Spicy，充满胡椒香，惹味非常。
Chicken Tender 大力水手炸鸡柳，平时比较少食炸鸡柳，总系觉得肉质比较嚡，但呢度嘅炸鸡柳质素都唔错，外层粉浆够薄，鸡肉味道亦够香，入口啖啖肉。
旁边的 Cajun Wings 奇脆辣鸡翼，食味亦不俗，两只鸡翼嘅 Size 虽然都唔算好大，不过金黄色嘅外表，已经够晒煞食，而且出面个皮炸得十分香脆，内里的鸡肉好嫩滑，入口还带点微辣，惹味又不油腻。 
Bone-in Chicken 大力水手炸鸡，炸鸡有四个唔同嘅部位可供选择，如果拣鸡锤、鸡全翼就 $16 一件，而鸡胸、鸡上腿就要收 $24 件。点咗鸡锤同鸡胸各一，炸鸡外皮非常脆口，鸡肉一撕就开，入口皮脆肉嫩，一点也不干柴，吃下去很 Juicy。
Popcorn Shrimp 爆谷虾，初头真系以为啲虾会好似爆谷咁迷你，但原来望落去 Size 都唔细，食落啖啖虾肉，配埋个他他酱吃，一口一粒，好味。
Cajun Chicken Sandwich 炸鸡汉堡，汉堡包入面夹咗大大块、超厚身的炸鸡，鸡肉尺寸有掌心般大，入口酥香 Juicy，配埋个软熟嘅面包吃，食完够晒饱肚。
张贴
