4號烤吧 (已結業)

本身嚟到呢头，系想食生炸鸡髀🍗，但竟然无开🙄，行咗个圈，拣咗呢间川菜舖😉。4号川味店内环境都几大，店内装修有点中国风嘅感觉⛩，餐厅提供川菜之余亦有串烧食🍡，川菜方面有前菜，小食，各式鸡煲🐔，各式烤鱼同水煮鱼🐟，食完之后可以再另叫配菜打边炉。💎招牌水煮鱼🐟辣度麻度足够(事先声明我系辣得的)，不过鱼片最好可以大块啲，配菜方面有豆卜，枝竹，芽菜，薯粉，萝卜，配菜方面算系多。好辣的人绝对明白配菜嘅重要性。💎胡椒猪肚鸡煲(半只)🐔胡椒猪肚汤感觉好厚，饮落一啲都唔稀，猪肚好淋好入味，而且加咗啲唐芹同芫荽，连埋个汤饮惹味又暖胃。💎剁椒碲花🐷见到呢款前菜有个🆕️当然要试，其实即系剁椒猪脚，无想像中辣，但猪脚好爽口，由于唔系热吃嘅关系，食完唔会好饱滞。人均消费💰 ： ＄150至＄180总结✍ ： 环境大，唔会迫。埋单时先知原来有8折，计落都几抵。