EaT燒肉

营业中

休息中

今日去咗一间现代感十足嘅日式烧肉店，感觉好似入咗多啦A梦嘅时光隧道😂一入去就闻到香喷喷嘅烧肉味。我首先试咗 Prime grade牛五花同 牛小排，佢哋嘅肉质真系好嫩滑，烧到啱啱好，油花分布均匀，咬落去口感一流。搭配埋套餐入面嘅沙律、和风汤同埋和风紫菜温泉蛋饭，简直系完美。特别系𠮶个温泉蛋，蛋黄流心，真系好好食！之后又试咗 宫崎A5和牛肩胛腋板，呢个真系必食！肉质细腻，油脂丰富，烧落去香气四溢。佢哋嘅 鹿儿岛豚肩肉同 西班牙猪五花都同值得试吓，豚肉味道浓郁，咬落去有啲弹性，口感非常好。至于西班牙猪五花就更加唔使讲，油脂同肉质嘅比例完美，真系食到停唔到口。富士苹果地鸡肉，鸡肉鲜嫩，香气十足，腌制入味。搭配烧肉一齐食更添风味。再加埋一碗 水冷面，清爽又滑口，啱啱好可以平衡烧肉嘅油腻感。最后，饮品方面我选择咗 梅酒同 粒粒桃汁。梅酒有种微酸嘅味道，非常开胃，而桃汁就好甜美，口感清新，真系一个好嘅配搭。