潮福蒸氣石鍋 (已結業)

因为朋友生咗baby，所以我哋一行4个sisss就入咗大埔探探小baby，行经大埔广场，难得齐人想揾个舒适又可以坐得耐嘅地方原来唔容易！见到喺间饺子店隔离有间食蒸气石锅，大家都系好「鲜」之日，于是就决定试试呢间连锁蒸气石锅餐厅！｜乳鸭｜唔好问点解，系有啲格格不入但因为朋友心血来潮想食，就试试个乳鸭，一人一只份量刚好，味道都唔错好入味，皮脆肉嫩，色泽较深不过如果好以唔好咁干身就更好！｜龙虾｜开边龙虾都几新鲜，开边加上蒜蓉但调味，清蒸已经好perfect！龙虾尚算几大只, 肉厚弹牙，中上之作！｜蒸扇｜蒸扇一样大粒，望落同食落一样都咁新鲜，带子鲜甜爽口！配埋托底个粉丝食唔驶再沾任何调味都够yummy！｜龙趸肉｜除咗饮宴都好少接触龙趸肉，今次仲要系清蒸，都有点受宠苦惊！肉质系好易滑但如果钟意有口感嘅朋友就未必会欣赏，因为肉质入口真系好滑，不容咀嚼已经散开于口膣内，且鱼味唔算好突出。