牛蓋

营业中

休息中

话说晏就时间去左屯门比野朋友，比完野之后一个人就睇下有咩小店可以食，行去巴士站途中就见到呢一间牛盖，佢铺仔细细大约有20个座位，佢菜式系好多日式既饭拣，仲有啲泰国野，相信老板系泰国人因为系收银𠮶度有唔少既泰国元素。我就叫左个牛肩胛盖饭（$76），店家系menu上写系慢煮既牛扒黎，但其实我系完全食唔出有d肉有慢煮出黎既感觉，但块牛扒肉既质素系有既，只系烹调上既问题。系饭上面有少许既饭素都增添左一d日式元素同层次，系拎餐埋黎既时候店员极力推荐左一款酱料系佢哋自家制既虾米辣椒酱，呢个酱真系极大程度比呢个饭拉回分数，呢个酱系好似饭素同酱之间既感觉，脆口得黎有小小油，我自己就唔食得辣既，但佢好香口捞饭好好食，我加左小小食完好过瘾咁，食完又加，成餐饭就辣到一路R住头一路食。整体我觉得食得辣既人真系要试下呢个酱，因为真系做得好出式，至于野食就一般水准冇乜出色位。