嫲嫲雲吞雞 (崇齡大廈) (已結業)

之前网上介绍，中式菜，细细碟，多选择。听到真系好适合二人行去食。6点去到，无乜人。心谂，我早食饭姐，应该安全既。 第一碟系麻辣粉皮。微辣又或者叫唔辣。中下。第二碟咕噜肉。上枱面时，我觉得甜酸味好香，件件都系肉，无骨。ok。第三碟系孜然羊肉，个汁酱好浓味唔辣，羊肉无羊味，质地食落似酒楼无味肥牛咁。中下。第四碟系野山椒炒牛肉，同样好浓味，有2只辣椒icon及有2粒真辣椒，但唔辣。中下。第五碟系什菌红烧豆腐，都系好浓味。大致ok。第六碟系小笼包，正常味，唔咸。ok。第七碟系翅头螺肉云吞鸡，真系不得了，一放上枱已经好强劲既药味，趁热试一啖，好浓厚既药+鸡味，有种似 “无鸡精咁咸，但都好咸“既感觉。其实见到鸡脾系开心既。中下。第八碟皮蛋。唔知系咪琴晚食米线𠮶阵都食过皮蛋。我觉得呢碟无乜皮蛋味，唔辣。中下总结：idea is good。由于重口味，我饭后饮咗好多好多好多水。又或者，系我平时食得太清淡，所以唔习惯外出用餐。