小茶堂 (已結業)

今晚打完边炉，有人竟然仲话好渴要去饮番杯珍珠奶茶，咁夜去边度揾呢🙄🤔。问Google大神，附近好似得番一间连锁店开到十二点，于是唯有去啦，点知途经见到呢间小茶堂仲未关门，而且姨甥话佢识应该唔错，所以就要买㖞😒。我饱到上心口，所以投降，佢就点左近期大热嘅黑糖珍珠奶茶。其实我见佢menu有齐坊间流行嘅奶盖茶、黑糖奶茶、小山园抹茶奶茶等等，仲有较少见嘅紫薯鲜奶，集百家大成！姨甥试完大叫，哗同🐯差唔多咁好饮㖞(佢明知我爱🐯😒), 而且觉得啲珍珠比𠮶间更Q弹啲添，真的！？我即刻试一啖，嗯，好味程度又真系几接近㖞，可能因为刚才姨甥错手叫左少甜，错有错著，甜味冇盖过奶茶香味，我觉得如果全甜就会饮唔到茶味喇！加上我地经过时佢已经差唔多收工，所以冇人排队唔使等到身水身汗，所以杯奶茶又再加多两分咁啰😁😋。