After You Dessert Café (已結業)

咁啱經過利東街等人，入咗去間舖頭度飲杯咖啡。雖然話佢主打係刨冰，但其實杯咖啡都唔錯。內裏空間都幾舒服，唔大唔細都夠位坐，員工態度都OK。我呢就簡簡單單，叫咗杯Dirty 。我覺得佢都沖得唔錯，咖啡同埋奶嘅分層好明顯，入口先係試到相對濃郁嘅咖啡香味，越飲落去凍奶部份開始變到營造咗一種複雜嘅口感。最後幾啖充分混合，更加感受到成個奶啡嘅幽香。坐咗一陣我就走咗啦，希望下次有機會試佢出名嘅泰式甜品同埋刨冰啦。