神農氏 (已結業)

去完下白泥睇日落，个人攰到散，搭车去返元朗揾食，本来就谂住去一早讲果间食嘅，可惜我同朋友都系九龙人，唔识路，只知间嘢喺地铁附近，就照住路牌行，行行下就比间红色嘅店吸引住望望出面餐牌，实在吸引又唔贵，入面都几多人下，就决定入去一试，就系比衣个👇🏻餐牌吸引不过我地最终叫左2人晚餐👇🏻有龙虾沙律、4只生蚝、同牛扒/羊扒、甜品同饮料。首先来嘅系生蚝，新鲜鲜甜淡淡海水味，得2只系唔够!食完生蚝，沙律就到时间刚刚好，沙律上有原只拆肉龙虾，沙律则有清甜苹果同梨，感觉清新等左阵main course 来喇，由于我同朋友都唔食羊就转晒5安士牛扒，其实唔可以叫牛扒，应该叫牛立方，卖相震憾，不过稍为有「哨」口，要咬多几下，其他配菜好好食而饮品有3款梳打选择：百香果、青柠同巨峰提子甜品芝士蛋糕同朱古力波波都好食🤤今次缘份嘅安排食到价钱相宜又好食嘅美食上载埋其他menu 以供参考忘了提衣间点有好多食材可以买：蟹膏喇，酱油蟹喇、明太子酱（只写自己喜欢的🤗）大家住附近可以睇睇