茶茶台式料理 (已結業)

上完堂12点，咁啱经过见到呢间台式餐厅。唔知系咪因为位置问题，见冇人食，之前个2间已经排晒队，同埋见呢间d环境最干净同阔落，所以就入左嚟谂住试伏。叫左个盐酥鸡扒卤肉饭加热无糖荔枝红茶$58（Lunch set)。来左个碟头饭，上面有5块大大块盐酥鸡，有菜有卤肉，其实卖相都唔错。盐酥鸡真系好酥脆，鸡肉都几嫩滑。卤肉系瘦肉同咸味嘅有用八角调味，但我都系钟意台南风味嘅甜味卤肉多啲。个荔枝红茶好香荔枝味，饮落甜甜地但冇乜茶味，似荔枝玉露嘅味。去到1点个阵就已经全店满座。