路邊煱 (已結業)

朋友推介之下，决定约埋一齐去路边㶽试吓，估唔到竟然在放工嘅时候挂红雨，因为一早约好的关系，我哋决定就算红雨照去试吓。虽然呢个地方，我唔太好熟悉，不过经过路边㶽嘅侍应指引之下都好容易揾到。这里汤底比出面的餐厅特别, 如花雕醉鸡㶽, 水煮鱼㶽, 招牌什菌花甲蟹㶽等等, 另食物的选择亦好多.在火㶽前, 我哋叫咗两个小食，陈醋野山云耳及椒盐鱿鱼须, 陈醋野山云耳，清新开胃， 而椒盐鱿鱼须，相信系即叫即整，外脆内软，香口惹味。 食完小食，我哋叫咗今晚嘅主角招牌什菌花甲蟹㶽，在汤底来之前，侍应好细心送上不同的配料，有我至爱嘅蒜头，每次打边炉我都会食好多蒜头，而呢度嘅配料系任你随意落嘅，并无限制。除咗什菌花甲蟹㶽，我哋亦叫了手切本地肥牛及安格斯肥牛， 三宝饺，手打四宝丸，粉肠，同埋我至爱嘅响铃。登登登, 主角出场啦，汤底好鲜甜，吸收所有嘅精华非常入味，在打边炉前，我哋每人饮咗两碗汤，好多蟹膏呀，食得出蟹及花甲都好新鲜，而且汤底里面仲有不同什菌，非常足料，真系值得推介。 而手切本地肥牛同埋安格斯肥牛， 我比较喜欢本地手切肥牛，因牛肉肥瘦适中，而朋友较喜欢安格斯肥牛，不过嚟到嘅话两个都值得一试。