金牌源記大排檔 (已結業)

好耐冇去路边大排档， 今天放工在深水埗， 同事 提议去《 金牌源记大排档》。去到门口，见到几张圆枱， 墙上贴上多款美食图片， 更有多款经典怀旧菜， 街坊小菜， 镬气小炒， 非常吸引样样都想试。今日天气冇之前咁炎热， 有大风扇吹住 还不至于太热。去到大排档点少得一支冰冻啤酒～汽水都唔少得～天气炎热拣咗个［金银蛋菜心］$62（ 是日白菜仔沽清）， 估唔到用菜心都几特别， 粗壮嘅菜心吸满清甜嘅上汤，皮蛋，咸蛋，肉碎嘅精华， 味道丰富 ，冇油比较健康。仲叫咗佢嘅［招牌红烧乳鸽］每只$68， 滚油淋上制造脆皮嘅效果， 即叫即炸所以乳鸽皮都系胀卜卜唔会收水。 肉质唔嚡， 主打系个脆皮， 乳鸽皮又冇脂肪层，正！留意到佢嘅白饭都系好大碗， 满满的。小菜一般够镬气， 味道唔错， 下次人较多再试多些其他菜式。