狗毛3

营业中

休息中

Item: 狗毛3
Rating: 4
Author: 手瓜起展

The Hair Of The Dog Bar & Restaurant

90 食记

味道

环境

服务

卫生

抵食

3076

尖沙咀

$101-200

西式酒酒吧

手瓜起展

等级4

174

行过见呢间餐厅个名咁跳皮，个格局又几靓，一于入去试吓先。Gillardeau 既蚝肉肥美得黎结实有弹性，口感爽脆鲜甜，但系蚝味又唔会太霸道㖞，海水味柔和而不浓烈，入口后既味道由鲜入甜，继而有海水咸味同埋乳香，喺口腔入面出现细腻又富层次感。Mermaid 入口 creamy, 海水味偏重，亦带有甜味，肉质肥美，我两只都好钟意，两只都各有千秋。Lady of dynasty 杨贵妃，靓仔 bartender 特登出黎绍呢杯酒由咩酒沟成，我见其中有一支系中国酒，咁特别既！？我即刻问可唔可以攞黎闻吓，哗，好香糯米味啊。呢只杨贵妃另外仲加左 sauvignon blanc，荔枝酒同埋西柚汁，入口微甜，先系好香既荔枝味，跟住就有西柚味同埋淡淡既酒味，如果再冻啲就好喇。芝士薯条，有啲后悔嗌左呢个，因为真系劲大碟，但系佢黎先，无其他野食之下摆喺度又忍唔住食㖞，食吓食吓都饱左六七成。虽然个黑松露酱真系劲正，劲重黑松露味，但系斋点黑松露酱会有啲腻，建议同时嗌埋薯条既最好朋友茄汁，食一条点黑松露酱，下一条就点茄汁，咁个黑松露酱俾茄汁间一间场会好味好多。攞起条薯条𠮶阵芝士拉哂丝，劲正，老板娘亦有细心提醒薯条啱

20 浏览

1 赞好

0 留言

行过见呢间餐厅个名咁跳皮，个格局又几靓，一于入去试吓先。

Gillardeau 既蚝肉肥美得黎结实有弹性，口感爽脆鲜甜，但系蚝味又唔会太霸道㖞，海水味柔和而不浓烈，入口后既味道由鲜入甜，继而有海水咸味同埋乳香，喺口腔入面出现细腻又富层次感。

Mermaid 入口 creamy, 海水味偏重，亦带有甜味，肉质肥美，我两只都好钟意，两只都各有千秋。

11 浏览

1 赞好

0 留言

Lady of dynasty 杨贵妃，靓仔 bartender 特登出黎绍呢杯酒由咩酒沟成，我见其中有一支系中国酒，咁特别既！？我即刻问可唔可以攞黎闻吓，哗，好香糯米味啊。呢只杨贵妃另外仲加左 sauvignon blanc，荔枝酒同埋西柚汁，入口微甜，先系好香既荔枝味，跟住就有西柚味同埋淡淡既酒味，如果再冻啲就好喇。

芝士薯条，有啲后悔嗌左呢个，因为真系劲大碟，但系佢黎先，无其他野食之下摆喺度又忍唔住食㖞，食吓食吓都饱左六七成。虽然个黑松露酱真系劲正，劲重黑松露味，但系斋点黑松露酱会有啲腻，建议同时嗌埋薯条既最好朋友茄汁，食一条点黑松露酱，下一条就点茄汁，咁个黑松露酱俾茄汁间一间场会好味好多。攞起条薯条𠮶阵芝士拉哂丝，劲正，老板娘亦有细心提醒薯条啱啱焗起，碟边会好热。