影片
更多
2018-05-09
28 浏览
接朋友仔收工，谂住近近地系红磡食少少嘢，揾个地方坐下倾下偈，咁啱呢几日都落雨凉凉地，打边炉就最暖身。入到去，老板表示佢哋佢鸡煲非常唔错，尤其鸡肉系农场鸡，肉质鲜味，可惜朋友唔太喜欢食鸡煲。不过海鲜粥底火锅亦系招牌菜，有七种海鲜咁把炮。好，一于会一会佢个海龙王，睇下系咪真系咁坚。侍应首先上前菜，而呢个海龙王锅亦可以拣五种配料，我哋拣咗手打嘅墨鱼丸、鸡骨丸、云吞、农场鸡同手切肥牛，卖相似乎唔错。比较特别既系鸡骨丸，食落有脆脆既鸡软骨，好得意。而云吞都几新鲜，入面虾多过肉，我钟意。农场鸡件好香鸡味，唔似平时既冰鲜鸡，啖啖都系肉之余，肉质结实，如果份量再多少少就好了。另外肥牛都非常唔错，有雪花但唔肥，食落又香牛味，最啱啲怕肥但又钟意食牛既朋友。跟住系大大只既花蟹，够晒新鲜，而且肉质鲜甜够实净，绝对唔系水蟹。食落都多肉架，而且仲好甜好多汁，蟹既甜味仲保留系粥底，劲正。唔好睇少啲虾，食餐饭最难忘既就系佢，点解？佢正当我想夹起佢落锅时，佢竟然从个碗跳左落地，新鲜到不得了，吓到我同隔离台既客人，大家相视而笑。肉质够弹牙，果然够新鲜，而且仲流出橙色既虾膏。而海鲜拼盘就有鲍鱼、贵妃蚌、蛏子、大蚬、斑腩肉，
入到去，老板表示佢哋佢鸡煲非常唔错，尤其鸡肉系农场鸡，肉质鲜味，可惜朋友唔太喜欢食鸡煲。不过海鲜粥底火锅亦系招牌菜，有七种海鲜咁把炮。好，一于会一会佢个海龙王，睇下系咪真系咁坚。
侍应首先上前菜，而呢个海龙王锅亦可以拣五种配料，我哋拣咗手打嘅墨鱼丸、鸡骨丸、云吞、农场鸡同手切肥牛，卖相似乎唔错。
比较特别既系鸡骨丸，食落有脆脆既鸡软骨，好得意。而云吞都几新鲜，入面虾多过肉，我钟意。
农场鸡件好香鸡味，唔似平时既冰鲜鸡，啖啖都系肉之余，肉质结实，如果份量再多少少就好了。
另外肥牛都非常唔错，有雪花但唔肥，食落又香牛味，最啱啲怕肥但又钟意食牛既朋友。
跟住系大大只既花蟹，够晒新鲜，而且肉质鲜甜够实净，绝对唔系水蟹。
食落都多肉架，而且仲好甜好多汁，蟹既甜味仲保留系粥底，劲正。
唔好睇少啲虾，食餐饭最难忘既就系佢，点解？佢正当我想夹起佢落锅时，佢竟然从个碗跳左落地，新鲜到不得了，吓到我同隔离台既客人，大家相视而笑。
肉质够弹牙，果然够新鲜，而且仲流出橙色既虾膏。
而海鲜拼盘就有鲍鱼、贵妃蚌、蛏子、大蚬、斑腩肉，非常足料。蚬肉无沙，十分厚肉，鱼肉连皮，啖啖都充满骨胶原，绝对系女士既挚爱。
至于鲍鱼咁大只，净系睇图都知：掂啊！
大大只贵妃蚌，弹牙又爽口，唔会太韧。
所以食到咁上下，我哋加多左碟醉鸡，估唔到有咁大碟，有酒香但唔会太浓，同鸡肉好夹，呢度既鸡绝对值得一叫再叫。
食到最后，侍应会送上芋头粟米等配料，再加埋葱、大头菜、莞荽、冬菜等煮粥，粥底吸收晒海鲜既鲜甜同鸡油香味，非常甜，而且好绵，虽然好饱，但都忍唔住食多几碗，呢个粥系今日既主菜，可惜多到食唔晒，如果比多十个胃我就好了。
张贴
