影片
更多
2013-05-31
2052 浏览
入到沙田当然要食鸡粥啦，唔系鸡粥就系要食大排挡，这是我一贯对沙田大围一带既刻板印象。2条友仔，踩完单车好肚饿周围揾好野食，但我地系一位九龙人一位港岛人，根本对新界就唔熟，经过一轮争执之下最后由曾经是沙田友既朋友介绍去左食强记鸡粥，一出大围闸问港铁站职员强记鸡粥系边，点知比佢老点左我地去新强记。当然最后我地都揾到要去既目的地啦！唔使等位，一坐低就见到咁大个招牌，点可以唔食你呀！先黎左一碗重头戏「招牌鸡粥」，分量岩岩好，仲可以叫多几样其他菜，粥底本身好绵，不会太稀，鸡肉好嫩滑有腌过既咸鸡味，但如果碗粥再热ｄ，相信会更加加分。「红烧乳鸽」，乳鸽系我地既另一个惊喜，体型唔算大只，但都可以啖啖肉，外皮红烧得好香脆，内在咬落好juicy，唔会好干柴既感觉，最钟意点喼汁一齐食，简直想外卖几只番屋企做宵夜！「太和骨」，虽则唔知咩系太和骨，但好奇心推使下点黎试下，食落同京都骨既味系冇分别，但酸酸味味，夏天食都几开胃。「椒丝腐乳炒通菜」，相比平时出街食个d既椒丝腐乳炒通菜，佢lee间既腐乳味比较淡，味道唔会太重，唔会太死咸，可以食得出菜既菜甜味，我钟意佢lee间腐乳分量炒得岩岩好，好适合唔会太重口味既人食
入到沙田当然要食鸡粥啦，唔系鸡粥就系要食大排挡，这是我一贯对沙田大围一带既刻板印象。
2条友仔，踩完单车好肚饿周围揾好野食，但我地系一位九龙人一位港岛人，根本对新界就唔熟，经过一轮争执之下最后由曾经是沙田友既朋友介绍去左食强记鸡粥，一出大围闸问港铁站职员强记鸡粥系边，点知比佢老点左我地去新强记。
当然最后我地都揾到要去既目的地啦！
唔使等位，一坐低就见到咁大个招牌，点可以唔食你呀！
先黎左一碗重头戏「招牌鸡粥」，分量岩岩好，仲可以叫多几样其他菜，粥底本身好绵，不会太稀，鸡肉好嫩滑有腌过既咸鸡味，但如果碗粥再热ｄ，相信会更加加分。
「红烧乳鸽」，乳鸽系我地既另一个惊喜，体型唔算大只，但都可以啖啖肉，外皮红烧得好香脆，内在咬落好juicy，唔会好干柴既感觉，最钟意点喼汁一齐食，简直想外卖几只番屋企做宵夜！「太和骨」，虽则唔知咩系太和骨，但好奇心推使下点黎试下，食落同京都骨既味系冇分别，但酸酸味味，夏天食都几开胃。
「椒丝腐乳炒通菜」，相比平时出街食个d既椒丝腐乳炒通菜，佢lee间既腐乳味比较淡，味道唔会太重，唔会太死咸，可以食得出菜既菜甜味，我钟意佢lee间腐乳分量炒得岩岩好，好适合唔会太重口味既人食。
张贴
