極上帝王水產

营业中

休息中

临收工前一个钟收到朋友问旺角日本放题去唔去。本身对鱼生加旺角区一般般，不过见朋友𠯠到代甩底友食蹬脚饭，就帮下口啦。踏入餐厅见万国旗式装饰充满日式放题感，当然食物先系正题，所以全台人一座底就努力研究多张入菜纸，并即时填、填、填。虽然自己唔多食生嘢，但日式放题又点可以唔食刺身、寿司呢？轻尝几块三文鱼、北极贝、 象拔蚌、希灵鱼全部无因为放题就将货就价，交足货鲜味十足。虽然自己无食到带子、生蚝但系同台朋友都话唔错。寿司除鱼味鲜亦应记寿司师父一功，鱼肉与饭紧致度刚刚好无揸流滩。偏好熟食，自然食多几碟； 鸡翼、猪柳、牛仔骨味味都交足水准。天妇罗香口好味，最正羊扒食几块感觉赚晒。估唔到今次蹬脚有口福食到好味底食嘅放题，$200晚饭时段明显底过晒啲自助餐啦，仲包罗万有生熟都好味。