hoo韓國包車

营业中

休息中

厚福街唔净止H8多嘢食，其实仲有一座大厦都有唔少餐厅，今日我就选址Hoo韩国包车。入面环境布置到好似喺韩国首尔街头享受地道美食。前菜有两款唔同嘅泡菜，分别系椰菜同芽菜，两款都好味。其实我觉得韩式鱼蛋比港式鱼蛋更好食，所以就拣咗炸鱼糕。炸鱼糕仲分别有几款，可以试到唔同嘅口感。呢度嘅装修咁有风味，当然要叫返个更加地道嘅传说中的部队锅先够入戏。部队锅入面有韩式肠仔同午餐肉，仲有啲茄汁豆，真系啱晒我。加埋韩式即食面就成为一份美味嘅部队锅啦！另外我哋重点咗泡菜炒饭，上面洒上满满嘅紫菜碎，喺入面就系红红嘅炒饭，味道香而带微辣，真系甚有水准。