名人私房菜 (已搬遷) 新店位置

呢间隐世既私房菜喺尖沙咀汉光大厦，喺汉口道同宜昌街交界，睇地址就话汉口道，但其实系入口系喺宜昌街，第一次去既朋友，呢个揾私房菜秘景既感觉真系出哂黎。首先黎个大白菜猪肺汤，汤水头够哂味道，跟埋碟汤渣令钟意食汤渣既我lam哂嘴，太耐无食过猪肺喇，几乎唔记得左猪肺既味道，呢度既猪肺做得好爽，唔错，绝无谨有既几旧喉咙软骨极脆，好彩在座无乜人识欣赏，无人同我争唧。仲有红萝卜，滚到淋 pat pat 既大白菜，呢推汤渣，点啲豉油，真系正到无朋友。花雕蛋白蒸蟹，一上枱已经够哂气势啦，只蟹虽则就唔系话好鲜，不过就够哂大只，啖啖肉，个蛋白蒸得劲滑，味道亦好好，够哂酒味，正。金银蒜粉丝蒸扇贝，基本野，厨师亦拿揑得好准确，蒜香味浓。糯米鸡，呢个功夫菜，首先要将鸡只拆骨，再将炒好既糯米饭酿番入去只鸡身度，等啲糯米饭索哂啲鸡味。糯米饭略湿身，味道美，个饭本身经已炒熟，唔需要焗得太耐，啲鸡应该可以滑啲。凤尾虾，虾胶打得弹牙，虾胶所包裹住既虾亦都够大只新鲜。鲜鱼汤杂菌，有个菜间吓场，几好丫，如果鱼汤再浓啲就更加好喇。苹果咕噜肉，用苹果代替菠萝炒咕噜肉都系第一次试，都几特别，同埋原来都夹到㖞，个人觉得可以用苹果同菠萝