影片
更多
2022-07-31
787 浏览
约左人喺淘大商场交收，平时好少会落嚟呢头，办完正经事，决定去附近行下。 喺巷仔揾到间「小食皇大排档」，店舖主打小食、粉面饭同车仔面，而晚市就以供应小菜为主。谂起都有好耐冇食过车仔面，今日晏昼就一于喺呢度开餐。我哋点左生炒牛肉饭、车仔面，另外再加左生菜鱼肉碗仔翅同饮品。生炒牛肉饭 ($52)。牛肉鲜味可口，份量也很多，每啖都食到有肉碎、生菜同蛋丝。米饭炒得够干身，粒粒分明，入口没有油腻感，而且味道亦啱啱好好，上桌时香气四溢，可见镬气十足。车仔面嘅𩠌料选择非常多，我哋拣左油面 ($8) 底，配豆卜 ($7)、司华力肠 ($7)、酸甜斋 ($10)、咖喱鱿鱼 ($15)、五香牛𦟌 ($12) 同 猪颈肉 ($15)，跟腩汁。平时食车仔面，多数会拣油面，今次亦唔例外，油面烟韧有口感，食落嚼劲十足。腩汁汤底味道亦唔错，入口香浓又没有味精感。豆卜索满了汤汁，一咬落去啲汁爆晒出嚟。咖喱鱿鱼好爽口，够辣又入味。牛𦟌水准亦唔错，够晒松化，但食落又唔会过腍，带点咬口。猪颈肉肥瘦适中，脂肪比例亦啱啱好。酸甜斋外脆内软，加上味道酸酸甜甜，令人越食越开胃。 另外呢碗「三沟」($25) 用料亦唔手软，碗仔翅浓稠
喺巷仔揾到间「小食皇大排档」，店舖主打小食、粉面饭同车仔面，而晚市就以供应小菜为主。谂起都有好耐冇食过车仔面，今日晏昼就一于喺呢度开餐。
我哋点左生炒牛肉饭、车仔面，另外再加左生菜鱼肉碗仔翅同饮品。
生炒牛肉饭 ($52)。牛肉鲜味可口，份量也很多，每啖都食到有肉碎、生菜同蛋丝。米饭炒得够干身，粒粒分明，入口没有油腻感，而且味道亦啱啱好好，上桌时香气四溢，可见镬气十足。
车仔面嘅𩠌料选择非常多，我哋拣左油面 ($8) 底，配豆卜 ($7)、司华力肠 ($7)、酸甜斋 ($10)、咖喱鱿鱼 ($15)、五香牛𦟌 ($12) 同 猪颈肉 ($15)，跟腩汁。
平时食车仔面，多数会拣油面，今次亦唔例外，油面烟韧有口感，食落嚼劲十足。腩汁汤底味道亦唔错，入口香浓又没有味精感。
豆卜索满了汤汁，一咬落去啲汁爆晒出嚟。咖喱鱿鱼好爽口，够辣又入味。牛𦟌水准亦唔错，够晒松化，但食落又唔会过腍，带点咬口。
猪颈肉肥瘦适中，脂肪比例亦啱啱好。酸甜斋外脆内软，加上味道酸酸甜甜，令人越食越开胃。 
另外呢碗「三沟」($25) 用料亦唔手软，碗仔翅浓稠度刚好，内有蛋花，冬菇丝，肉丝，木耳丝、粉丝等，再捞匀垫底嘅生菜同鱼肉，令口感同味道都即时倍升！
下次有机会要过嚟试下佢哋嘅晚市小菜。
张贴
