肥仔茶餐廳

营业中

休息中

夜晚影相影到好夜，效返器材到铺头都已经成点钟，横掂第二日都要出湾仔，算啦，喺铺头过夜算。一训就训到12点几，肚饿，约人出黎医肚，行过呢间，见到有车仔面，好耐都未食过，就黎试下。入到黎坐底一睇餐牌就有啲后悔😅😅😅单点最底消费$41，唔包饮品。咁对某啲细食既人黎讲都几唔著数。而且，人地喺出面见到个牌有车仔面，望真啲先见要收$41以上，要谂食乜（有部份人会留意唔到价钱，只睇有冇岩心水既野食，之后发现唔够，要再选多样），浪费左时间，餐厅要等客人选食乜食到41以上，前后加埋时间应该可以走多一两转枱😑😑，如果可以改做选一面加2𩠌咁会好啲。食物睇落可以，不过要腩汁冇加，要再去问先补返比我。萝卜太大件，唔够淋，如果切薄一半煮会好啲。牛腩唔够淋，可能新加落去，炆得唔耐。其他都ok既。整体黎讲一半半，我就觉得普通以下，工作放lunch或赶住食就会食既。但系平时行街既话，我唔会黎啰。