來多碗車仔麵 (路德圍) (已結業)

最近日日有返工无放工，人都颓。 呢日放工返到荃湾已经夜晚8点9，个人又攰又唔知想食乜嘢，就是但同妈妈入咗呢间车仔面。呢间车仔面之前系就喺观塘见过佢，荃湾呢间相信应该系新开嘅，环境都尚算干净，唔系一般车仔面咁污糟，价钱唔算太贵，正常啦四十零蚊左右，选择都几多。. 我自己拣咗要乌冬面，配生菜、面筋、牛肚、辣鱿鱼同埋鱼蛋。 乌冬质感正常，但系佢吸咗呢个 牛腩汤底汁，更加惹味。呢几样𩠌睇落好普通，但系其实普通嘅嘢愈难整得好食。鱿鱼嘅烟韧同埋味道系相当有惊喜！鱼蛋亦都好弹牙，最钟意佢个面筋，吸晒汤汁精华。.另外一碗拣咗要菠菜面，配流心蛋、萝卜、鸡翼、牛丸同埋红肠。好少地方有菠菜面食，呢个菠菜面唔系净系得绿色，真系有菠菜味架！流心蛋系车仔配𩠌好少出现，呢度嘅水准同日本拉面舖有得比。萝白同鸡翼都系用瑞士汁煮。红肠呢样细个食到大嘅嘢真系好令人怀念。.虽然车仔面好难有好惊喜嘅味道，但系环境因素、价钱仲有食物选择多与少，都会决定我会唔会再去返头帮衬。 来多碗车仔面，喺车仔面都可以开到几间分店，都明其实佢真系唔差。