阿四車仔麵 (已結業)

车仔面真系香港特式，铺头入黎食面既系咩人都有，有一家大细，上班族，大学生情侣…餐厅系旺角鼓油街街尾，装修似cafe，卖既系港式小食同车仔面。面要自己写纸仔，好多选择，自己拣埋配咩酱捞面添。小食都有好多款，可以无限加𩠌😌识食梗系拣净𩠌菜底，可以试多两款𩠌麻😆，萝卜系必定要叫，好大旧好入味，一啲根都无，入口即淋，做招牌菜都得呀！其他丸呀鱼蛋等大大粒热辣辣唔错。鱼皮都好脆卜卜，又系必叫。另外男朋友叫左牛腩猪大肠肉食大王，佢话捞埋沙嗲酱好浓味几过瘾。