永年士多 (兆安廣場)

营业中

休息中

讲起永年，应该好多人都听过佢既大名。本人之前有帮趁过佢既盆菜，都算几好食，今次专登黎吃个快车仔面，因为特然好挂住佢个辣酱，吃过真系会记得个只味！叫左个三送，牛腩牛柏叶鸡翼米粉，小辣咖哩酱。先讲下个汤底，作为车仔面既灵魂所在，永年既汤底有好多唔同既香料味，饮落甜甜地又带有少少鲜味，个人几中意。牛腩煮到好谂，一份有3旧都几大旧，一啖吃落口非常满足，牛味酱香慢慢系个口入面散开，正！牛柏叶都几新鲜，煮到刚刚好， 吃落爽口，正！但鸡翼就比较失色，肉质有少少柴。米粉都好靓，煮得岩岩好又挂到汁，车仔面就系要食依d! 唯一唔满意就系太逼，不过依个都系车仔面既通病，无得投诉。