榕記車仔麵 (已結業)

今日放工收晏，成身都好攰谂住求求期期食餐饭先，嚟咗呢间好近地铁站嘅榕记车仔面。估唔到本身谂住食简单嘅一餐，间车仔面都可以令到我呢一餐唔简单之余仲养生。唔同一般嘅车仔面呢度嘅汤底都几特别，我就拣咗虫草花汤底，素食者嘅话都可以拣呢个汤底㗎。虫草花汤清清淡淡仲有淡淡嘅药材味，仲有红枣系入边添平时屋企唔系成日煲汤估唔到呢度都有一啖汤饮吓。车仔面嘅𩠌我就拣咗猪红，猪手同埋牛腩。三款𩠌之中我最欣赏朱红，朱红唔腥仲好入味。猪手剩系得一旧姐，南乳味唔算太重，牛腩就普普通通啦有啲煮得太硬唔够淋。另外一定要推介嘅系佢哋嘅鸡丝粉皮，好香麻酱，鸡丝仲要完全唔悭料落足好多，呢个一定要嗌先$26。