通達食店

营业中

休息中

之前要去油麻地参加交流会，上去之前要医医肚，之前一直都想试下呢间通达食店，听讲野食都唔错，见行过有位，入去食咗碗车仔面~估唔到我坐个面壁位又几好坐，下面会有一层架可以放袋。不过车仔面款式比较少，但食物都几特别，叫咗蚝油鱼蛋、鸡翼尖同木耳丝加米粉。蚝油鱼蛋就无咩蚝油味，而且鱼蛋都几重鱼腥味，我自己唔系太接受到，但都好过出面D 鱼蛋连腥味都无。鸡翼尖都入味，唔错。木耳丝好重麻油香，令成碗面都生色不少，木耳够爽口，份量都好多，可以再叫返呢个。另外呢到D服务都唔错几有礼貌，真系估唔到小食店都可以做得咁好~其实有好多野都想食，少见嘅碗仔翅同粢饭，仲有肠粉烧卖，希望下次有机会再试下。