影片
更多
2018-02-05
455 浏览
所谓国以民为本，老纳系食车仔面起家。面起源于魏晋南北朝，可谓任重而道远.....一碗哪渣面对民生嘅社会责任，系几咁不可或缺？试问举世有何面可及车仔面可同选多𩠌集于一碗？而彼此𩠌与𩠌之间系元素属性相生相克，我占不了你便宜，你也奈不了我何。自新寺入伙，足及之处亦难有车仔面踪迹，老纳常郁郁寡欢，心结难解。但自早几月，楼下商场地铺，有车仔面开张！！老纳二话不说与老尼试试，优点实在说不上一二，但作为车仔面达人，闲闲地都数到一大堆缺点，𩠌贵料少面淋，汤底淡。唯一可取系佢个麻辣汁，算！我忍你！！酱汁如果讲系车仔面嘅灵魂实不为过，就算你汤底淡𩠌唔得，只要你配到份好酱，绝对可以借尸还魂起死回生！每次黎划完飞仔点完𩠌我都叫佢多麻辣，但每次黎到我面前都系个一笃麻辣，我发誓，我真系求其吐笃痰都大笃过笃麻辣酱！咁搞到我每次碗面黎到我都叫佢比多D麻辣吖唔该。事头婆就会超严重X口X面另外拎多个兜比你。所以我次次黎亲划完飞仔我都特登提提佢，但佢照旧黎亲都系一羹仔，我又不厌其烦叫佢比多D麻辣，佢又照旧同我角力另上一兜。如是者到左今晚.....一切超旧.......但呢次佢另上时，加多左句，当然都系X口X面啦：「喂靓仔，
所谓国以民为本，老纳系食车仔面起家。面起源于魏晋南北朝，可谓任重而道远.....
一碗哪渣面对民生嘅社会责任，系几咁不可或缺？试问举世有何面可及车仔面可同选多𩠌集于一碗？而彼此𩠌与𩠌之间系元素属性相生相克，我占不了你便宜，你也奈不了我何。
自新寺入伙，足及之处亦难有车仔面踪迹，老纳常郁郁寡欢，心结难解。
但自早几月，楼下商场地铺，有车仔面开张！！
老纳二话不说与老尼试试，优点实在说不上一二，但作为车仔面达人，闲闲地都数到一大堆缺点，𩠌贵料少面淋，汤底淡。唯一可取系佢个麻辣汁，算！我忍你！！
酱汁如果讲系车仔面嘅灵魂实不为过，就算你汤底淡𩠌唔得，只要你配到份好酱，绝对可以借尸还魂起死回生！
每次黎划完飞仔点完𩠌我都叫佢多麻辣，但每次黎到我面前都系个一笃麻辣，我发誓，我真系求其吐笃痰都大笃过笃麻辣酱！咁搞到我每次碗面黎到我都叫佢比多D麻辣吖唔该。事头婆就会超严重X口X面另外拎多个兜比你。所以我次次黎亲划完飞仔我都特登提提佢，但佢照旧黎亲都系一羹仔，我又不厌其烦叫佢比多D麻辣，佢又照旧同我角力另上一兜。
如是者到左今晚.....一切超旧.......
但呢次佢另上时，加多左句，当然都系X口X面啦：
「喂靓仔，你下次再加酱要加钱wo! 」
我当堂呆左呆答佢：
「唔系嘛？我次次黎亲食六十几蚊碗面一碗叫我加钱？」
佢可能觉得我一矢中的揾唔到辩驳理由不敌败走。
我好想据理力争，但心谂妳少气啫，我咪又系要比钱，我洗乜同妳劳气啫？我事后睇返张飞仔写住酱汁最多可选两款，亦无多选须加钱字眼。如果个个唔够汁你又要加钱，你比亲酱汁都系一茶匙，咁实唔够啦？个个叫加酱妳咪变相从中加价？仲有嘅系妳开张咁耐我都系食七个𩠌多麻辣，点解妳唔第一日同我讲话加酱要加价呢？虽然老纳唔同意阁下嘅经营手法，但希望贵宝号能理解，以客为尊之道。恕老纳与贵宝号缘薄，不会涉足贵店了。
张贴