波仔記車仔麵 (已結業)

本人真系好钟意食车仔面, 听同事讲附近开左间车仔面，今次终于揾到机会黎试下。虽然佢个推介系车仔捞，不过我果日就想食返D有汤嘅面,就叫鱼蛋、萝卜、猪皮、鸡翼。先要赞下d萝卜够哂入味，又唔会太冧，爽口，拿捏得几好。猪皮爽脆亦都好入味。不过鸡翼就淡少少，食得出系瑞士汁煮，可以再老得入味啲。有个可惜嘅位置系鱼蛋竟然唔系咖喱鱼蛋，可能因为要迎合唔食辣嘅人，总觉得有啲可惜。另外要赞嘅系个汤同个秘制辣汁！辣得黎感觉无咩味精feel,食完唔会渴！我成碗当汤饮哂。