影片
更多
2018-12-14
3949 浏览
个个都开西餐厅，但系唔系个个都可以整得好好食👨🍳要成功必先知己知彼，才能百战百胜。荃湾享和街俾我嘅印象其实同大坑有少少似，都系车房林立，但系中间夹住一啲西餐厅。餐厅嘅位置其实已经转咗手好几次，每一间我都相当喜欢，奈何可能太过偏僻，所以都唔能够做到好多生意额。最近嘅呢间餐厅最特色嘅系入面挂住咗月球灯🌚所以我叫佢做月球餐厅；价钱同一般平民西餐厅差唔多，但系质素就真系好令人回味无穷。我同男朋友嚟食，提早庆祝我哋嘅圣诞节🎅庆祝节日，当然毫不吝惜咁叫咗个豪华海鲜套餐。👉主角海鲜拼盘龙虾放咗喺中间，围住嘅有虾、青口、蚬同埋螺几款嘅海鲜；每一款都相当鲜甜，而其中我一定要赞嘅系佢嘅虾，虽然唔系好大只，但系好爽好弹牙，而且仲好多汁！ 配三种酱料畀我哋自行选择，系相当贴心， 简单位海鲜更加带出鲜甜美味。👉蟹肉牛油果沙律用沙律菜垫底，牛油果份量绝对唔吝啬，而且佢嘅熟成度啱啱好；芝麻酱另上，比食客自行随心 调配份量，但系芝麻酱嘅香口为牛油果沙律带来更加惹味嘅享受，所以我地落晒😂👉我地拣咗黑松露蘑菇汤相信必定要落上好多菇类先可以煲出咁浓嘅味道😍饮落忌廉味其实唔多，但系佢哋打得好滑，所以唔会有粒粒特别大粒嘅口感
个个都开西餐厅，但系唔系个个都可以整得好好食👨🍳要成功必先知己知彼，才能百战百胜。荃湾享和街俾我嘅印象其实同大坑有少少似，都系车房林立，但系中间夹住一啲西餐厅。餐厅嘅位置其实已经转咗手好几次，每一间我都相当喜欢，奈何可能太过偏僻，所以都唔能够做到好多生意额。
最近嘅呢间餐厅最特色嘅系入面挂住咗月球灯🌚所以我叫佢做月球餐厅；价钱同一般平民西餐厅差唔多，但系质素就真系好令人回味无穷。我同男朋友嚟食，提早庆祝我哋嘅圣诞节🎅庆祝节日，当然毫不吝惜咁叫咗个豪华海鲜套餐。
👉主角海鲜拼盘龙虾放咗喺中间，围住嘅有虾、青口、蚬同埋螺几款嘅海鲜；每一款都相当鲜甜，而其中我一定要赞嘅系佢嘅虾，虽然唔系好大只，但系好爽好弹牙，而且仲好多汁！ 配三种酱料畀我哋自行选择，系相当贴心， 简单位海鲜更加带出鲜甜美味。
👉蟹肉牛油果沙律用沙律菜垫底，牛油果份量绝对唔吝啬，而且佢嘅熟成度啱啱好；芝麻酱另上，比食客自行随心 调配份量，但系芝麻酱嘅香口为牛油果沙律带来更加惹味嘅享受，所以我地落晒😂
👉我地拣咗黑松露蘑菇汤相信必定要落上好多菇类先可以煲出咁浓嘅味道😍饮落忌廉味其实唔多，但系佢哋打得好滑，所以唔会有粒粒特别大粒嘅口感；淡淡嘅黑松露味散发出嚟，又唔会好俗； 随餐附上嘅餐包用中式蒸笼盛放，好特别，配埋沙律酱畀我哋，酸酸甜甜好开胃。
👉主菜可以有三款西班牙海鲜饭选择。餐厅经理推介我哋五花腩，当然相信佢嘅味觉。平时唔食五花腩嘅我， 终于畀佢嘅卖相吸引破介食咗两件。 五花腩肉脂分布平均，入口爽爽声，食落又唔会好油，你明知道佢系脂肪又会舍得吞落肚，呢个就系佢魅力所在。西班牙海鲜饭饭底唔会好咸，相信系作出调教，同正宗嘅有啲分别，但系绝对切合香港人嘅口味👍 份量真系唔少，两个人食完呢碟饭，其实真系饱住出门口😋.
虽然佢冇华丽嘅装修，但系简单得嚟有啲特色；食物方面，佢嘅食材绝对唔系高级，但系系优质，照顾食客嘅需要，从餐具上都睇得出老板其实系好细心同埋好有要求。希望呢间小店能够做耐啲，成为另外一个荃湾区嘅食堂✨
张贴
