影片
更多
2013-12-15
2129 浏览
年初嚟过一次快意试菜，𠮶次试咗多款特色意菜，印象喺创意无限，味道不俗，值得翻兜再试，况且，意菜一向都喺小弟心水菜系之一。晌依个车房，可以讲食唔讲车，况且讲到尾，小弟对车喺一窍不通。多谢老友揾小弟做伴，等我再次重温美食。跟上次嚟，整体格局无乜点变，但枱櫈，部份零售架位置有少少变动，而最明显喺客就多咗，估唔到仲要多数喺女生，仲以为会多啲爱车男士嚟捧场添！但始终都觉得啲枱太细张，放两、三碟嘢已无乜多余空间。Fiat主打卖创新意菜，选择唔算得话好多，一张A4呎吋餐牌就包括晒头盘、精选主菜、开面三文治（Bruschetta）、意式三文治（Panini）、甜品5大类别，认真贵精不贵多。另一张A4呎吋餐牌，就列晒各款饮品，包括餐酒、鸡尾酒、意式特饮、汽水果汁、咖啡、红茶及冬日特饮。今次拣嘅菜式，尽量跟上次唔重复，希望试得多啲嘢。Honey Figs Margarite $50除鸡尾酒外，仲有啲无加入酒精嘅鸡尾酒（Mocktails），经店员介绍，拣咗一杯无酒精嘅「玛格丽特」，有饮开鸡尾酒嘅人都大概知佢喺由龙舌兰酒、柠汁、君度橙酒混合而成。而眼前依小杯橙红色嘅「玛格丽特」，捣烂整个新鲜无花果，加入蜜糖
跟上次嚟，整体格局无乜点变，但枱櫈，部份零售架位置有少少变动，而最明显喺客就多咗，估唔到仲要多数喺女生，仲以为会多啲爱车男士嚟捧场添！但始终都觉得啲枱太细张，放两、三碟嘢已无乜多余空间。
Fiat主打卖创新意菜，选择唔算得话好多，一张A4呎吋餐牌就包括晒头盘、精选主菜、开面三文治（Bruschetta）、意式三文治（Panini）、甜品5大类别，认真贵精不贵多。另一张A4呎吋餐牌，就列晒各款饮品，包括餐酒、鸡尾酒、意式特饮、汽水果汁、咖啡、红茶及冬日特饮。今次拣嘅菜式，尽量跟上次唔重复，希望试得多啲嘢。
Honey Figs Margarite $50除鸡尾酒外，仲有啲无加入酒精嘅鸡尾酒（Mocktails），经店员介绍，拣咗一杯无酒精嘅「玛格丽特」，有饮开鸡尾酒嘅人都大概知佢喺由龙舌兰酒、柠汁、君度橙酒混合而成。而眼前依小杯橙红色嘅「玛格丽特」，捣烂整个新鲜无花果，加入蜜糖，配上柠檬梳打，虽则有创意，入口亦好清新，但个人而言，唔算好好饮，因为突出唔到无花果嘅鲜甜味，或许蜜糖落得唔多，有啲聊胜于无嘅感觉！
法边豆、羊芝士、合桃、白葡萄醋（French Beans, Goat Cheese, Walnuts and Balsamic Bianco）$80法边豆虽然极少接触，但都唔喺第一次食，之前晌土瓜湾8度餐厅食过，不过真喺要揾专家帮吓手，晌8度餐厅个餐牌见佢英文名叫Kenya bean，但依家晌Fiat Caffe个餐牌见就叫French bean，但中文同样译法边豆，再睇番上次8度啲相，两者都喺一样，极似我哋中国嘅豆角，或者同种唔同源，一个来自法兰西，一个来自肯亚。今次啲法边豆几爽，加埋合桃嘅脆，仲有羊芝士嘅咸香，整个组合个味道几有层次，由于羊芝士属重口味嘢，浇以白葡萄醋似乎几有心思嘅做法，再以黄色及红色车厘茄衬托，可见晌卖相色泽上都计算过，确喺一道不错嘅头盘。
香煎沙甸鱼、水瓜柳、柠檬（Fried Sardines with Capers, Lemon and Dill）$95另一道头盘香煎沙甸鱼，原以为得条鱼，原来垫有两件酸忌廉面包，一层叠一层，卖相几立体。煎好嘅沙甸鱼肉质挺实净，带有咸香味，捞上刁草橄榄油，再唧啲鲜柠檬汁，食时感觉油润得嚟又有朕清新感。对水瓜柳感觉一般，但加咗意大利干蕃茄，蕃茄味超浓缩，咁就正好多。酸忌廉面包外皮既干且韧，好欧陆式，包心会软熟一啲，味道会带微酸，如想夹埋件沙甸同食，效果唔会太理想，都喺一啖鱼，一口包会易处理啲。
蓝青口、白酒、洋葱、香草（Blue Mussels, White Wine, Onion and Parsley）$135主菜拣咗白酒蓝青口，虽然贵为主菜，但份量唔算多，大概10只左右，一个人食都未必够顶肚，更何况跟人分享一齐食。虽然唔知嚟自边度，不过喺有质素嘅，算几大只，又有肉地，白酒、洋葱、香草，令啲青口几香。同样伴有一件酸忌廉面包，依次沾啲白酒汁，兼浸淋佢少少，会好味且易食啲，因为啲「硬屈屈」嘅欧陆包唔喺个个人都接受得到！
朱古力雪糕（$40）士多啤梨雪葩（$40）最后就有甜品出场，选择上有「意大利曲奇」、「香桃、云呢拿忌廉、杏仁杯」、「意大利芝士杯」，不过上次都已经试过，所以，就拣意大利雪糕嚟试试，雪糕喺由品牌XTC供应，是晚款式有朱古力雪糕同士多啤梨雪葩。前者朱古力味道颇为浓郁，睇睇杯底成份，原来用咗Valrhona朱古力，但略嫌质感有啲生硬；后者则果味鲜活，士多啤梨几像真，由于无加入牛奶，所以冰感几重。
以质素计，今餐价位都蛮划算，睇到配搭、用料都下过心思，而且，好些菜式都几特别。总结，无论服务、食物都无乜失准，足以证明佢哋做意菜唔喺单靠「快意」品牌嘅效应，靠嘅喺真材实料，出色嘅烹调，留住客人嘅心。
张贴
