BBQ Military (已結業)

朋友住荃湾呢边真系好多野食，尤其系大鸿辉中心基本上成橦都系餐厅，所以下面好多人挂队，花多眼乱，我地系楼下睇左阵都唔知食边间好，最后猜左一轮包剪泵拣左食韩烧！一上到去个场大到呢，等左阵就有位入，而且好嘈，因为客人一入去成班侍应就会大叫：呀呢虾些唷！系feel 到佢地声嘶力竭咁叫出黎，成餐饭不断都听到，有啲烦其实同埋都真系邓佢地攰...一大盘前菜，坚系military feel wor好似入伍果种食饭盘。有泡菜、洋葱、大豆芽等。食完前菜，正式开动烧肉喇！切到细细件既调味雪花牛肉，个样好似有少少图文不符㖞，不过食落都唔错，入口好稔牛味浓郁。每次韩烧必叫既五花肉，烧到金黄色逼晒啲油脂出黎好香口，用生菜包住加上泡菜，减低油腻感，一大享受！主食另外叫左人参饱鱼鸡汤，差唔多有半只鸡，鸡入面塞左啲饭，汤好重参味而且鸡已经煮到谂晒，好容易撕开，不过唔算好够火喉果种。最尾有糖食俾你去一去口阵烧烤味。Service唔错，时不时帮手换网，而且店员经过都会帮手烧下睇下咁！只系佢地真系嗌得好频密，只可以话证明客似云来...