澳門台山水佬榮火鍋專家 (已結業)

E几日天寒地冻，最好食返d热辣辣既野，朋友提议打边炉，真系一个非常好既建议。朋友试过一间海鲜火锅边炉。话水准都几高。甘就去试一试先。佢地有一个好震撼既海鲜火锅，但一定要4人以上先可以点到，情侣2个人去就见唔到e个场面了。未点菜前，有一盆酱料俾你地自己调配。每款酱料都好新鲜好惹味。之后我地点了航母海鲜盛宴，唔同时段同日子入座价钱都唔一样。我地当日就系$238一位有8款时令海鲜，另有4款蔬菜每台可自选5款配料，我地拣左安格斯特级肥牛、新鲜牛仔粒、云吞、响铃、黑豚肉。汤底就拣了海底椰鱼，海鲜有蟹、蚬、象拔蚌、八爪鱼、虾、带子、鲍鱼...大家一见到依盆海鲜火锅都哇哇声...样样都好新鲜同好甜好有海鲜味。牛肉无得输，好重牛肉味同好淋。好满足的一餐。