漢堡佬 (已搬遷) 新店位置

今日去天水围朋友屋企玩，实在太肚饿，打算买个外卖去佢屋企食❤️❤️于是我拣左有好多好评，食物相都睇落唔错既呢间汉堡包店，其中一个关于软壳蟹汉堡既好评好吸引我，于是我拣左 $58黄金软壳蟹汉堡，见好评写到超级好食咁，等我试下系咪真先。一拎到个汉堡，闻落已经好香，忍唔住打开个包睇一睇下个软壳蟹，比想像中大只。食落好香口松脆，炸得啱啱好，食到蟹中心嘅位置，居然有蟹膏，蟹黄味好重。好食到我忍唔住再睇一睇个价钱，居然真系$58😂 好平！果然要知道呢间餐厅嘅嘢食好唔好食，最紧要睇食评！