Bubble Tree (成業工業大廈)

营业中

休息中

睇住张单同我哋食剩嘅嘢，难怪呢度可能爆满。虽然都系观塘工厂区，但成业工业大厦嘅”Bubble Tree”其实同骆驼漆𠮶边系有段距离，成业𠮶边餐厅系少啲。虽然系咁，呢度嘅人气仍然爆灯，平日七点几已经满坐。我本来都唔明，点解呢度咁受欢迎…呢度嘅名物有蛋包饭、Burger，仲有不同嘅意粉等等。我哋先叫咗个”软壳蟹、蟹籽、香辣蕃茄汁杂海鲜意粉”。个名好长😅，但其实用料相当足够。先唔讲佢成座山咁，佢嘅软壳蟹炸得香口松脆，同一般餐厅好容易整到淋晒又会韧嘅软壳蟹好大分别，食第一啖已经有惊喜。跟住我哋叫咗名物”熟成牛扒汉堡滑蛋盖铁板拌饭”。佢嘅汉堡扒味道非常浓郁，可能真系受惠于熟成，加上煎得够晒香口，系水准以上嘅出品。望落唔系好大锅嘅饭，其实食落系好多，最后我哋都食唔晒。我哋各自仲加咗杯特饮，分别系”冻抹茶鲜奶”和”冻紫薯鲜奶”。两杯都冲得好靓，其中一个秘诀系佢会俾你自己拣选配料，例如Oreo、焦糖、Hazelnut等等，令到外型更特别之余饮落都有啲层次感。买单𠮶阵一睇，$227，2人，免加一。谂返转头，当年观塘工厂区未做起嘅时候，好似就系呢啲价钱，估唔到而家仲可以体验到。