龍泉冰室 (已結業)

虽然九龙真系好多平民小店，不过今次食既呢间真系会带给你惊喜。今日唔知去边食好，就行入龙泉冰室试下，入到去楼底都几高，环境都企理舒服。坐左一阵，好快就有野食啦！！！香葱虾仁炒蛋白平时出面既餐厅都经常有虾仁炒蛋，今次就试下蛋白炒虾仁，食落味道清而鲜，层次丰富。而且份量都唔少呀。如果蛋白炒得无咁老就更好，不过以冰室水平来说，都系相当唔错。鸡扒葱油捞面几钟意啲葱油系分开上，一黎可以按自己的口味选择落几多，其次唔会比人感觉一上碟就好油腻。呢度既葱油捞面系招牌菜，美味香浓，葱油味十足，配合太阳蛋流出的蛋液，食落唔会给予人肥腻感觉。鸡扒煎得稍老，但整体都十分好呀！！ 招牌软壳蟹菠萝包见到隔离都有叫，店员又极力推介，于是就叫嚟试下。原只软壳蟹加上菠萝包，味道好香口，而且炸得外脆内软，入面十分多蟹膏，本身好怕软壳蟹又冻又淋咁，呢个菠萝包十分惊喜。奶茶红豆冰 + 经典红豆冰红豆同奶既比例唔会过多，份量都唔少，夏天解渴之选。