越男仔 (已結業)

今日荃湾睇完戏之后想食越南嘢，听朋友讲附近有间性价比好高嘅越南餐厅，就系越男仔叫咗个黄姜海南鸡饭，配炸鱼同凤爪沙律，另外叫咗个炸软壳蟹配蒜蓉包，两个嘢食都包汤，叫咗一个鸡脚汤，一个冬阴功汤，最后再加咗一碟招牌越南炸春卷黄姜饭一啲都唔油，配埋嫩滑嘅海南鸡，非常高质，至于炸鱼同凤爪沙律都好出色，炸鱼炸得香脆可口，而凤爪已经去咗骨，酸酸甜甜好开胃；呢餐饭嘅亮点一定系软壳蟹配蒜蓉包，软壳蟹份量好慷慨，有四至五大件，而蒜蓉包炸得非常之香脆，蒜蓉酱落得毫不吝啬，再加上中间夹杂着嘅金边粉，既饱肚又好食，最后个越南春卷不愧系佢哋嘅招牌菜，除咗大大件之外，仲炸得香脆可口，而且唔会过分油腻呢间餐厅位于荃湾西市中心，地点方便，而且餐厅装修甚有特色，食物性价比高，推荐#越男仔