麥文記麵家

营业中

休息中

都听过麦文记嘅云吞面好出名，𠮶晚经过白加士街，终于都有机会试吓喇！我地嗌咗两碗牛筋面，牛筋面唔算大碗，但系个碗都几深吓，有一个面饼左右。啲面爽口弹牙，牛筋好软滑，感觉到有丰富嘅骨胶原。啲汤都几清，我地都加咗少少辣酱落去，提升味道。辣辣地嘅感觉惹味好多，味道又提升到另一个层次。我地另外再加多个芥兰，芥兰都系热辣辣的。原来要蚝油要加多一蚊，所以为咗唔好浪费咗碟蚝油，我都比平时点多咗嚟食。佢地嘅蚝油应该系自家制，色泽系浅啡色，有种淡淡嘅清香，同一般用开嘅李＿记黑色蚝油嘅质感完全唔同。至于有冇鲜蚝嘅味道，我就唔系好食得出，留返俾各位食家嚟品评喇！