泗益

营业中

休息中

闲日中午12点到，见西多点到7至8份排紧，到1点就售罄，真系要早少少黎。西多真系食过反寻味，100%回头客。奶茶必饮，冻奶茶好香滑，奶味浓茶味重，令人回味。热奶茶（茶走）除左更滑，茶同奶味都更重更明显，口感好滑。沙嗲牛蛋面 $26用出前一丁面，实好味啦，沙嗲味唔算好重，亦唔辣，有微微沙嗲香，反而牛肉好正，牛味重质感又好，够滑腍。煎蛋半熟，流出蛋黄汁，拌面同牛肉，又香又滑。加少少辣油更香更惹味。咖央西多士 $30入口好惊艳，系超级软绵绵，柔软到好似绵花嘅口感，我食紧云朵、空气……而且系厚身西多，有香浓蛋味，中间馅系甜度刚好的咖央酱，加上咸味的牛油，令人回味。