福岡漢堡扒 (厚福街) (已結業)

餐厅大推手打汉堡，食客自己烧，每枱设有小型抽风系统，而且店内冷气大，令空气流通减少油烟。除左有汉堡set，亦有其他主食，以及套餐。 假日午市到，开门不久已有几枱客人，愈坐愈多人入座。叫左芝士蛋和牛汉堡扒(中$117)，鸡蛋和牛汉堡扒($小$99)。用手机扫qr code落单，之后侍应就送上set附送既汤、沙律、饭，及调味料。食物送到后，如果第一次食，侍应仲会细心教客人点烧。汉堡分大中小size，每个都圆碌碌。旁边有块热石，用作烧肉。蛋边焦脆，加左芝士就更香口。每人都有个小铁铲切肉，每边烧大约3秒，d肉已经熟。d肉超级超级软绵绵，超香肉味，d油腻逼哂出黎。第一次食尼种口感既肉，好好味。整体，侍应好有礼貌，服务好。见到石块唔热，就会主动换新一块。手打牛肉真系超绵超好食，仲可以见到师傅系厨房手打搓圆汉堡添。